橫濱神經刀讓波必反

猪拉多纳

札幌岡薩多今輪作客FC橫濱，岡薩多教頭財前惠一仲後生過橫濱老牌前鋒三浦知良，兩人球員時期曾經交過手，今次財前首次以領隊身份同三浦對決，佢話明一定冇面俾。橫濱今季主場未贏過，讓波靠唔住，博「讓球客勝」！

（周六下午1時開賽）
岡薩多教頭唔畀面三浦

財前惠一現年44歲，佢早於96年退休，當時都未夠30歲，佢同三浦知良喺球員時代曾經對戰，講緊係92年嘅事，見到三浦知良46歲仍然未言退，佢梗係佩服對方啦！財前惠一今季坐正教札幌岡薩多，今次首度領軍鬥三浦，預期後者都係喺場邊做精神領袖嗌住班波，兩個角色都唔同咗，財前目標仍然係一樣，希望成為勝利者。

蘇豪一直都覺得FC橫濱係飄忽無定嘅神經刀，投X策略只有一個，就係「讓波必反、受讓時考慮唔反！」佢哋主場表現算係「最穩定」，不過係穩定地差，本季聯賽主場七戰未嘗一勝，今次對住近四次作客三勝一和嘅札幌岡薩多仲要讓波，個盤確係鬼鬼哋，但小弟深信橫濱會保持主場弱勢，「讓球客勝」博得過！