瑞典夠卡士強襲奧地利

猪拉多纳

近期歐洲主流聯賽收晒咧，國際賽事做主打，投X呢類賽事要小心選擇，除非有關場次係關乎爭奪出線席位，否則實在不宜大注搏殺。由於非洲區監管力度不足，賽果難測，不宜重錘。今次睇中場歐洲區賽事，C組奧地利主場決戰瑞典，論級數始終都係客隊高啲，平手盤捧瑞典！

（周六凌晨2時45分開賽）
爭次名冇得保留

睇番C組形勢，德國一枝獨秀甩開晒，剩番奧地利、愛爾蘭同瑞典爭第二，奧地利睇落成績唔錯，但其實係佢哋頭幾場賽程易踢，唔好睇得太高。瑞典係歐洲一線尾球隊，佢哋分組賽未嘗敗績，作客硬撼勁旅德國都唔使輸，非常硬淨，今戰有坐和望贏之力。現時莊家開緊平手盤，捧瑞典可立於不敗之地，值得一試！

同日歐洲新興勢力比利時主場對塞爾維亞，比利時擁有超強人腳，具備條件成為世界頂級勁旅，呢班波愈踢愈進步，肥叔睇好佢哋取得下年世界盃入場券，甚至可以喺世盃成為一路奇兵，保守估計有機會殺入八強。塞爾維亞近年發展一般，銳氣明顯唔及對手，今場比利時贏面高，讓一球都算合理，一於要上盤。
肥叔心水

瑞典 平手盤

比利時 上盤

冰島 平手盤

阿根廷 大

美國 上盤

墨西哥 上盤