牙買加「濕熱」獻細

猪拉多纳

世盃外圍賽中北美洲區明早有場牙買加主場對美國，今場比賽會喺濕熱嘅首都金斯頓上演，氣溫高達攝氏37度，Alwin相信鋒力奇弱嘅牙買加冇入波本錢，美國叻極都係一球起兩球止，今場推介入球細。

（周六早上9時30分開賽）
美國到訪金斯頓未威過

今仗兩軍係外圍賽入波最少嘅球隊，美國開局失利後，目前已淪落第4位，領隊奇連士文備受壓力，今仗作客面對榜尾嘅牙買加係非勝不可，不過牙買加首都金斯頓一向係美國凶地，美國過去五度作客四和一負，難頂天氣係一大主因，何況美國要面對11日內踢3場外圍賽魔鬼賽程，奇哥唔會用盡丹普西同艾迪杜里；另一邊廂，牙買加攻力弱得可憐，但防線幾守得，外圍賽兩度對住墨西哥加埋都只係失咗1球，今場唔會大敗，入波亦唔慌會多。