皇帝諭令買埋今次

猪拉多纳

　　成日掛在口唇邊，周末跑馬兵凶戰危，真係要好小心。不過，有時點樣千算萬算都係冇用，爆到七彩的話，點都冇可能中得到。所以，呢日唔好係又劈，唔係又劈，某啲場合一於唔好「拔槍」，最適宜睇啱賭一兩場，注碼必須集中，勿濫賭。

　　第三場四班1600米。「皇帝諭令」跑來跑去成績冇突破，最叻跑過兩場季軍，季初係咁，唞完季尾復出，亦唔見得有幾進步，阿棟唔敢批死呢匹馬材料有限，因為隻馬只得3歲，有可能慢熱或遲熟，希望呢個係原因，如果呢次仲係冇表現，下季至好再沾手。

　　第四場四班1200米。「珍珠有利」連續第3次抽排大外檔，認真黑仔！而對上兩場好明顯係因為排外檔，打亂了整體發揮。無可否認，今次依然有呢個風險存在，尤其鞍上人係杜利萊。

　　不過，想深一層，今場有「奇無極」在陣，早段想慢都難，可能馬群扯得散，f檔亦有可能在早段楔得好，如果係咁，跑番大前仗入Q水準，在此夠爭。

　　第八場三班1400米。「同個夢想」又係另一匹失運馬，次次追人唔到，至今跑了4場，成績三三四四，唔係冇質素，而係跑法太被動。睇隻馬上場初跑1400米，末段追得似模似樣，比起出爭短途時，更有power，希望今次再跑，能力繼續上。

　　点买法

　　「皇帝諭令」及「同個夢想」係今日獨贏心水，但老老實實，一對馬搏極未贏，真係唔值得太熱，尤其係後駒，冇3倍以上，千祈咪沾手。重心場次則放在第三及四場。