鹽湖城唔慌多攻「細」

猪拉多纳

世盃外圍賽令唔少球員缺席美職聯賽，大家落注前記得留意吓。聽朝（六）34皇家鹽湖城對洛杉磯銀河，兩軍都冇咗主力射手壓陣，睇怕場比賽都唔慌多波入，1.75倍「入球細」抵玩。
銀河羅比堅尼踢太公波

鹽湖城首席射手沙保里奧啱啱傷好，就被哥斯達黎加徵召，另一箭頭奧美斯加西亞又未好番，變咗無頭一啤蛇。雖然班波表現好轉，但想入波係有啲難度。對手銀河同樣出現「爭人」情況，主力前鋒羅比堅尼要為愛爾蘭服役，火力大減。佢哋上場對新英倫革命發波瘟，喺最後20分鐘連失4球，主力當路雲都走出嚟認衰仔。經過上仗教訓，今場肯定做好防守，「入球細」穩陣。