黎海榮6月未斷纜

猪拉多纳

啱啱過咗嘅6月3日，就係黎海榮同太太結婚周年紀念嘅重要日子，估唔到同一時間，榮仔嘅手風亦開始轉順，事關連同尋日勝出「有情風」，榮仔由上個禮拜沙田日賽起孖開始計數，已經連續三期有頭馬見面，6月暫時未斷纜，認真威水！
       
有情風苦戰出頭，賽後獲副練葉榮光射水降溫。
有情風及時上岸

「有情風」本來由賴維銘跑開，不過尋日賴仔停賽，先至益咗黎海榮冷手執個熱煎堆。賽後吳定強講番，「有情風」以往心智未成熟，一望空就死走留唔住，好在最近進度唔錯，情況明顯有改善，終於趕得切喺收季前贏番一Ｗ。其實，呢場頭馬都幾緊要o架，「有情風」加分之後固然可以繼續玩，強哥亦贏到本季第12Ｗ，差一場就夠數合格。