添歡笑後上得米

猪拉多纳

鄭俊偉早輪喺馬房暈倒，雖然無乜大礙，但前幾日佢卒之請假入院，做番個詳細檢查。米高鄭講健康問題已受控制，只要聽聽話話接受治療，應該好快搞得掂。佢身為一倉之主，任何事都親力親為，尋日梗係唔抖繼續入場督師，見佢咁緊張，果然啲馬有料到，第五場憑「添歡笑」建下奇功，成功延續馬房近期旺勢。
       
添歡笑（箭嘴示）唔放變後追，居然贏得更輕鬆。

米高鄭指出，尋日場地唔利放，所以決定「添歡笑」留後少少，最終後上都贏馬，效果亦總算唔錯，佢補充「添歡笑」有內出血問題，要返倉睇真啲，先至決定季內再跑定提早抖暑。