U21爭鋒節奏明快睇得爽

猪拉多纳

21歲以下歐洲國家盃上周經已展開，多支足球傳統強國的小將在電視機前向球迷顯示自己的實力。雖然論比賽的技術層面、球隊隊形和球員經驗，肯定不能跟大國腳相提並論，但眾小國腳的投入程度，令每場比賽由頭到尾都保持很快的節奏，從而令比賽的可觀性大幅提高。

今屆賽事B組戲碼較A組吸引，衞冕冠軍西班牙首戰憑皇家馬德里前鋒艾華路莫拉達比賽末段的入球，以1比0臉勝俄羅斯。西班牙係今屆賽事的大熱門，前中後三線都擁有獨當一面的球員如艾斯高、堤亞高艾簡達拿、恩尼高馬天尼斯和迪基亞等。西班牙以此星級陣容作戰，能夠蟬聯冠軍絕不出奇。
德國心態好唔怕「鬥牛」

西班牙將於香港時間周日深夜，與德國進行次輪賽事。德軍參與此大賽的最大目的，係考察一眾有潛質但欠缺大賽經驗的小將，因此並未徵召一班適齡大國腳參與賽事，球隊陣容完整度明顯較西班牙和荷蘭稍遜，德國要壓倒西班牙和荷蘭晉級四強的難度甚高，但以球員首場賽事的態度所見，成班小將心態積極又肯搏，今仗肯定不會讓西班牙輕易取勝。

（now 633及635周一凌晨2時30分直播）