基爾梅斯火力疲弱獻細

猪拉多纳

阿甲賽事基爾梅斯主場對葛度爾古斯，基爾梅斯今季主場士哥數字偏低，直接影響爭標大業，大軍雖有射手卡奧達奧斯奧在陣，但其餘球員支援唔夠，今次對住葛度爾古斯難大勝，預期會繼續吹細風，要細盤！

（周二早上7時15分開賽）

基爾梅斯今季戰績不俗，一度有機會爭標，但現時佢哋已被榜首紐維爾舊生甩開8分，得番兩輪聯賽，已經無望奪冠，鬥心自然差一截。佢哋衝冠失敗主因衰在主場入波少，佢哋聯賽主場8戰入9球，平均每場入1球左右，反觀紐維爾舊生主場9戰轟入23粒，火力勁好多，呢點就係兩隊最大分野。基爾梅斯烏拉圭射手卡奧達奧斯奧喺聯賽貢獻6個士哥，算係交到貨，不過，由於其餘球員冇乜料到，班波攻力只係麻麻。
近4交手葛度爾古斯3場不失

另一邊廂葛度爾古斯近期都係一般，佢哋連續5場作客不勝，其中兩場交白卷，進攻發揮唔多掂，今戰仲有「10號仔」大衞拉美利斯停賽，進一步削弱中場組織力，情況實在唔多樂觀。翻查往績，兩隊近4次碰頭3度開出細盤，葛度爾古斯有3場保持不失，防守相當硬淨，今次預期都係冇乜交收，入球細值得留意。