南韓伊朗和波熱開唔怕跟

猪拉多纳

世界盃外圍賽亞洲區Ａ組上演榜首對決，南韓主場決戰伊朗，兩隊去年十月交戰時結怨，今仗賽前大打「口水戰」，南韓將帥話要痛擊對手，不過佢哋近況唔掂，今戰都係會集中精神拎一分晉級，預期入波唔多，如果嫌細盤冇分頭，和波熱開2.35倍唔怕跟！

（now 671及672周二晚8時直播）

南韓去年十月作客伊朗被對方處處刁難，職球員簽證受阻，個訓練場質素又差，搞到最終輸0比1，賽後勁多牢騷。事隔半年有多，南韓將帥條氣仲未順番，主帥崔康熙賽前話要痛擊伊朗，射手孫弘民話對手主將尼古納姆勁「多口」，一定要數三、四球令對方收聲，為呢場榜首大戰增添火藥味。

睇番Ａ組形勢，南韓再添一分就可穩奪世界盃入場券，主場出擊冇必要狂攻對手，特別係佢哋缺少兩位喺歐洲搵食嘅中場雙核寄誠庸同具滋哲，欠缺強攻本錢，今戰都係穩打穩紮，以不敗為先，難怪今場莊家低開和波至2.35倍。

翻查往績，兩隊近九次交手從未試過開入球大，「士哥」多數都係一球起、兩球止，有迹可尋莊家亦低入球細賠率，細盤夠穩陣，亦可吼和波！
烏茲別克要「大」炒衝前二

同組烏茲別克主場對卡塔爾，主隊穩佔第三位，最少都可踢附加賽，但佢哋都想爭取直接殺入決賽周，現時大軍落後次席伊朗兩分，球差輸緊四球，若然伊朗和波，佢哋淨勝四球就可殺上第二，今戰必定會由頭攻到尾，大盤博得過！

（now 670周二晚8時直播）