贏就搞掂澳洲「伊」絲「W」

猪拉多纳

力求連續3屆殺入世界盃決賽周嘅澳洲，只要今日黃昏喺「10強賽」B組主場砌低伊拉克，就可以實現願望。賽前已經篤定出局嘅伊拉克，仲證實有兩大主力尤尼斯同阿克林因同足總不和未有隨隊，無心戀戰擺明等炒格，今場梗係捧1.72倍「讓主」博澳洲大勝啦！

（now671及672台、廣東體育周二下午5:30直播）
伊拉克爆不和兩主力罷踢

澳洲雖然喺分組賽表現麻麻，踢咗7場只贏2場，但佢哋及時回勇，今個月初先作客踢和日本，繼而喺主場大炒約旦4蛋，家陣以7戰10分排小組次席，今場只要贏波，就可以唔理阿曼對約旦戰果，攞到出年進軍巴西決賽周入場券，鬥志自然唔會成疑。球隊幾名老將卡希爾、尼爾同比斯安奴上仗各省一粒，證明狀態依然Top Fit，加上新星羅比古斯上仗踢到曉飛一樣，今仗唔難大開殺戒。

伊拉克上仗主場不敵日本，即時宣布玩完，連爭第3踢附加賽機會都冇埋。球隊賽後仲爆出不和，隊長尤尼斯同中場指揮官阿克林都話今場拒絕隨軍，好衰唔衰，進攻中場鴨度沙拉又要坐波監，殘陣作客兼係例行公事，隨時放軟手腳，畀澳洲炒到阿媽都唔認得呀！
出線形勢︰

日本：肯定出線。

澳洲：至少可踢附加賽，今仗贏波即出線；和或輸加上阿曼贏唔到約旦亦可出線。

阿曼：贏波兼要澳洲贏唔到伊拉克才可出線；和波則要澳洲輸波才可計得失球；輸波則出局。

約旦：必須贏波先有望踢附加賽。

伊拉克：肯定出局。

亞洲區B組