艾迪杜里勁弗撐美國「讓主」

猪拉多纳

聽朝繼續上演世盃中北美洲區外圍賽，打埋呢輪賽事就要去到9月先會再開戰。相信暫列榜首嘅美國會趁歇暑前喺主場砌低洪都拉斯，攞足3分拉開領先優勢，一於支持2.15倍「讓球主勝」。

（開賽時間：周三早上9:00）
洪都拉斯作客腳軟

美國喺分組賽只係作客輸過畀洪都拉斯，所以一眾「花旗兵」肯定想借主場之利嚟報番一箭之仇，鬥心爆棚。或者大家擔心佢哋冇咗射手當路雲，會對班波火力有好大影響，不過睇番佢哋之前連贏德國、巴拿馬同牙買加，就知影響唔大。當中前鋒艾迪杜里更加喺呢3場比賽入面連接建功，狀態勁Fit，中場悍將鍾斯復出更令丹普西可以專心派牌，要入多球唔難。

對手洪都拉斯作客例牌腳仔軟，分組賽作客分別輸畀哥斯達黎加同巴拿馬，今次對住實力高一級嘅美國實會「冇啖好食」。佢哋叫做有啲名氣嘅前國際米蘭射手蘇亞素同韋根守將美羅費古羅亞落選，至於中場柏拉西奧斯今季喺史篤城又長坐冷板，雪到硬晒點做救世主？
賽制：

現為第4圈階段，6隊進行雙循環比賽，頭3名直接出線決賽周。第4名則與大洋洲區冠軍進行主客兩回合制附加賽，爭逐出線決賽周席位。

中北美洲