小狂牛卡士贏晒美國暗星

猪拉多纳

夾慣夾熟 列強爭搶

世青盃延續狂牛盛世！西班牙大、小國腳近5年橫掃7項國際賽錦標，師兄啱啱勇奪U21歐國盃，今晚就輪到師弟喺世青盃登場！呢班「小牛」上年奪得U19歐國盃已經夾慣夾熟，陣中唔少骨幹更成為歐洲列強目標，今晚世青盃A組登場正正係抬高身價嘅好時機，以「新美斯」迪路菲奧為核心嘅西班牙U20，點秤都高美國U20幾班，2.25倍「讓客」可以放心捧。

（TVB網絡電視01頻道、now801台周六凌晨2:00直播）

最近土耳其爆發反政府示威，警察同示威者喺伊斯坦布爾旅遊點塔克西姆廣場發生多次大規劃衝突，不過世青盃組委會發言人就話，已經加強保安確保比賽順利進行，等球迷可以安心睇波。
歐洲XX吼實迪路菲奧

講番今晚焦點，被視為奪標熱門之一嘅西班牙將會喺A組面對美國，「小牛」嘅皇馬B隊前鋒謝斯洛迪古斯係上年U19歐國盃神射手，巴塞「新美斯」迪路菲奧、利物浦中場蘇素同曼城新星丹尼斯蘇亞雷斯更已經喺所屬球隊獲得唔少上陣機會，最重要係大部分骨幹已經夾到熟晒，默契唔成問題。

再講，世青盃係球星搖籃，有消息話唔少歐洲球會已經派咗XX入場，考察「小牛」嘅謝斯洛迪古斯、迪路菲奧同射手柏高艾卡沙等主將，睇見一班師兄好似艾華路莫拉達同艾斯高喺U20歐國盃響晒朵，呢幾位生牯仔為踏上球星之路，又點會唔把握機會證明身價吖？
美國忌西班牙小組入滲

相比起西班牙，美國陣營明顯星味欠奉，最「揪得」已經要數到凱沙羅頓前鋒馬里奧洛迪古斯同鹽湖城中場路易斯基爾，不過後者早排喺熱身賽撼親個頭，今仗為安全起見未必會擔正，或多或少會影響領隊泰比拉莫斯嘅部署。何況佢老人家賽前曾經多番表示忌咗西班牙嘅小組入滲踢法，狂呻好難抵擋對方嘅進襲，連揸弗人都認晒低威，睇怕都係難逃大敗。
世青盃開打(目及)實5大新星

法國 保羅柏巴

年齡：20歲

位置：中場

球會：祖雲達斯（意甲）

簡評：攻守兼備嘅中場球員，09年離開勒哈費爾青年軍加盟曼聯，但冇耐就被祖雲達斯撬走，極速上位後今年更加成為大國腳，可能係當今踢法最全面中場新星。
西班牙 謝斯洛迪古斯

年齡：20歲

位置：翼鋒

球會：皇家馬德里B隊（西甲）

簡評：被視為2013年最強新星之一，兩年前已經試過為皇馬一隊上陣，傳媒話佢踢法似C朗，扭得又射得，而且突破能力超強，但佢強調有自己踢波風格，唔想做人影子。
英格蘭 哈利卡尼

年齡：19歲

位置：前鋒

球會：熱刺（英超）

簡評：09年出道，先後被外借至奧連特、米禾爾同諾域治，今年協助李斯特城升班重返英超，曾經獲選做米禾爾最佳年輕球員，相信未來有能力喺英超立足。
烏拉圭 古利姆華利拿

年齡：20歲

位置：後衞

球會：曼聯（英超）

簡評：由於經過兩個星期試腳表現對辦，今年7月由彭拿路轉投曼聯，轉會費280萬歐元，成為紅魔新領隊莫耶斯上任後首個收購球員，屬於出擊力強邊衞。
哥倫比亞 祖安昆特路

年齡：20歲

位置：前鋒

簡評：佩斯卡拉（意乙）

簡評：上年以借用身份加盟佩斯卡拉，今年出戰U20南美洲國家盃，被委以重任着10號波衫，而且曾經躋身大國腳名單備戰世盃外圍賽，創造力強兼係死球專家。

世青盃A組