撐競賽會旗開得「聖」

猪拉多纳

今晚世青盃揭開戰幔，心水推介留番畀其他名家同讀者分享，至於卡爾萬就睇中咗場阿甲獨腳戲，撐競賽會喺主場砌低聖達菲聯，小敲1.53倍主勝，希望幫大家賺番個早餐錢啦！

目前排喺第8位嘅競賽會成績唔算標青，但係主場硬淨就值得一讚，到目前為止，呢班波淨係輸過畀「三哥」河床，其餘8場波3勝5和冇輸過，進攻略為疲弱相信係開唔出主勝嘅唯一原因，不過睇見今仗對手係聖達菲聯，就令小弟嘅擔心一掃而空喇。事關聖達菲聯近期作客變身「黃大仙」，每逢對手埋門都「有球必應」，至今錄得4連敗失13球嘅劣績，競賽會班前鋒真係隨時肯起腳就有斬獲！