霍勵賢3 4 11場「好」

猪拉多纳

　　幾位騎師因傷缺席，令到唔少有份出賽者大受歡迎，停賽期滿復出的霍勵賢已係其中1位，今日佢由頭騎到尾，出足11場，手上又唔係冇惡馬，呢期應該唔會冇着落。

　　其實，霍勵賢唔單只六月份成績唔錯，今季整體表現令人讚賞，起碼唔係蠱蠱惑惑，作風正派，陣上唔多覺有礙眼鏡頭之餘，仲拼勁十足，呢類騎得之人，最為馬迷受落，至少捧佢場，輸咗亦唔會換來一肚氣，馬會引入呢位好手，的確有眼光。

　　好嘞，講到今日餐士馬，睇好霍勵賢第三、四及十一場坐騎，但其他場次唔係冇機會，仲有唔少邊線馬冇揀到，好似「穩佔先機」、「天合」、「大行情」等，真係咪睇小。

　　當然，「青春得意」、「金威勝」及「好健康」比較有揸拿，全屬近績有支持，賠率又唔特別熱，值得重視。Jack