阿里辛特 主場大做善事

猪拉多纳

大家年年睇《歡樂滿東華》，都有總理贊助明星玩遊戲捐款，原來挪超阿里辛特都有樣學樣。話說挪超聯賽會搵各球會捐簽名波衫拍賣，幫一個叫做「Me and You」嘅慈善組織籌款。阿里辛特嫌唔夠喉，仲同贊助商傾好，佢哋今場每入一球，贊助商就捐2,000挪威克朗（約2,560港元）畀「Me and You」。

事實上，阿里辛特主場入球率甚高，近五仗主場賽事合共轟入15球，今仗對手維京對攻下後防空位必多，一於捧入球大幫手做善事。

（周一凌晨零時開賽）