伐木者翻轉達拉斯

猪拉多纳

美聯盃8強明早開打，其中FC達拉斯主場對波特蘭伐木者最勢均力敵，伐木者受讓要得過！伐木者本季四平八穩，3月頭輸過1場後，已經17戰未嘗敗績，高踞美職西岸「一哥」之位。FC達拉斯狀態回落，今場讓唔起對手，捧「讓球客勝」！

（周四早上9時開賽）

伐木者本季演出令人驚喜，雖冇球星壓陣，但就勝在團結夠機動，佢哋客戰表現理想，近期鬥溫哥華白帽、芝加哥火燄同洛杉磯銀河都不敗，最犀利係本季主、客場2鬥FC達拉斯，取得1勝1和佳績，FC達拉斯當時弗到震，對住伐木者都冇晒計。FC達拉斯上仗對肯薩斯體育會，如非靠對手踢少個，好難於完場前入2粒逼和攞番1分，今場讓波非常兇險，一於捧對家。
華盛頓「大」起革命

另一場美職對決，華盛頓聯隊主場對新英倫革命。革命踢法有前冇後，上仗與對手炮製7個入波，近2仗後防夾埋失6粒。華軍狀態回勇，主場出擊必喪攻，大盤諗得過。另外，芝加哥火燄主場鬥乙組一哥奧蘭多城，唔計熱身賽，客軍連贏8場戰鬥力強，上圈作客擊敗肯薩斯體育會，今次預計有波入，一樣揀大盤！