智利奇兵捕獅

猪拉多纳

英軍小將心理質素差

假土耳其舉行的世青盃今晚上演E組次輪賽事，英格蘭U20要硬撼勁敵智利U20。「幼獅」自以為有批踢過英超嘅小將壓陣就可以也文也武，點知首仗演出同U21歐國盃嘅師兄一樣令人失望，智利U20實力唔曳，冷板奇兵基斯甸巴禾有料到，可食住個勢贏埋虛有其表嘅英軍，斯維認為主W博得過。

（TVB網絡電視01頻道及now 801周三晚11時直播）

雖然英超水準高，但英格蘭國家隊喺大賽一向差強人意，早前英格蘭U21便於歐國盃三振出局，估唔到連U20班師弟亦受到感染，雖有兩大英超中場巴克里同禾特普斯助陣，首仗領先兩粒以為可以印印腳，最終都係守唔住畀伊拉克U20逼和，呢班少爺兵一畀人壓迫就踢到慌失失，心理質素實在太曳，因此揀波唔可以齋睇名氣。
基斯甸巴禾激活進攻

相反，智利U20上仗喺曼聯射手安祖路軒歷基斯發揮欠佳之下，兼且末段有基斯甸古華斯被逐，但最終仍搏到盡反勝埃及U20，韌力十足，最sharp醒係後備入替嘅「奇兵」基斯甸巴禾，不但射入奠勝一粒，佢入場後更令球隊進攻組織更加流暢，相信會獲得主帥馬里奧沙拉斯重用。兩軍勢頭一高一低，智軍依家士氣大振，有力將呢隻「病獅」煎皮拆骨，主W有2.12倍非常抵玩。