幼獅兵團冇料撐智利U20

猪拉多纳

世青盃首輪分組賽結束，近屆表現最好嘅南美及非洲球隊，喺今屆都突然走晒樣，南美洲代表缺少巴西及阿根廷兩隊班霸後，首輪就只得智利贏波，非洲就一隊都贏唔到，最大鑊係中北美洲，4隊皆北，反觀歐洲就成為大贏家，6隊取得5勝1和，或者同今屆賽事喺土耳其作賽，唔使舟車勞頓有關。

今晚第2輪分組賽有兩隊歐洲兵登場，分別係英格蘭及克羅地亞，基於「幼獅兵團」喺過往世青盃成績太差，首輪大好形勢都只係僅和伊拉克，連續7場世青盃不勝，今晚遇着首戰即開W嘅智利，受讓都信唔過，要2.12倍主W。

（TVB網絡電視01頻道、now801台周三晚11:00直播）
克羅地亞強攻烏茲別克

另邊廂嘅克羅地亞就值得捧場嘞，佢哋今仗嘅對手烏茲別克首戰雖輕勝3球，但手下敗將新西蘭隨時係今屆24路大軍入面，實力最差嘅一隊。事實上烏茲別克防守力始終信唔過，最後3場熱身賽夾埋失咗5球，反觀克羅地亞因無緣出席早前嘅U21歐國盃，因此今屆U20代表隊可以唔使同U21爭人，召入唔少較有經驗嘅球員，包括阿特蘭大前鋒馬高利華查，有條件爭取兩連捷。

（TVB網絡電視01頻道、now801台周四凌晨2:00直播）

足球重心：智利U20、克羅地亞U20（勝）

馬膽推介：8場9喜勁駒

今年2月因不良於行休息近半年，到季尾復出自不然有體力優勢，上仗就僅負於其後再有好表現嘅「幸運金龍」，今仗快馬唔多，可以主動跑法制敵。