食得好非短途料 葉楚航：1400啱跑

猪拉多纳

最後四個回合，居練馬師榜首位的葉楚航以65W領先次名的告東尼3W。葉廐今戰出馬遍布十一場，實行以馬海戰術力保第一位，練者睇好質新的「食得好」，並直指1400米合腳法，有力爭取頭馬而回。
       
食得好（左）兩戰全入Q，擺明是早熟分子。

問：你現時全力爭冠，今戰睇好那些出賽馬？
       
葉楚航

葉楚航：「嚴格而言，『食得好』並非短途馬，既然初出已在1000米直路賽建功，剛戰升班繼續同程出擊也無可厚非，最終卻後上不及被1000米專家『御鋒』擊敗。日後此駒必可應付1400米，只是今次驟然多跑400米則肯定構成考驗，幸好馬匹近期進度良好，狀態比前更勇，與同場幾匹質新分子『好靚仔』、『同個夢想』應有一番龍爭虎鬥。『軍功』跑兩次泥地均抽不利檔位，最終仍所負不遠，反映場地性能不差。過往牠於谷草1200米交出不俗衝刺，今次縮程，對手較泥地一哩弱，可望提升競爭力，加上檔位比前理想，有力一爭。」
       
有情風人馬合拍

問：怎樣看「有情風」今仗爭勝機會？
       

吳定強：「『有情風』早前成熟程度未足，並一再受制於不利檔位，演出難免受到影響。剛戰角逐田草1400米終於排有利的3檔，馬匹沿途走來比前規矩，末段追過班底較高的『同感』，終嘗頭馬滋味。勝後此駒只加五分，對一匹進步中的四歲馬而言，不會構成太大阻力，黎海榮與馬兒頗為合拍，原班人馬有望再下一城。」
       
路路好借將出擊

問：「路路好」剛戰賽後拚至內出血，現時牠健康狀況如何？

告達理：「『路路好』獨擅沙田1000米直路，上仗有心於此程搏殺，可惜拚至氣管有血落敗，慶幸情況不算嚴重，埋門快跳走勢甚佳，相信健康已無大礙。此駒目前居四班優勢不算大，故此今趟刻意找來有七磅減的呂卓賢幫手，藉此提升馬匹競爭力，況且今場除了『齊飛』外，有路程根據的馬匹不多，只要跑回本身水準，三甲一席可以做到。」