小狂牛「大」破「烏圭」

猪拉多纳

新C朗着火勁入波

今晚世青盃8強會上演烏拉圭U20對西班牙U20嘅精彩戲碼，烏拉圭雖以強橫火力見稱，但「小狂牛」有被喻為「C朗接班人」嘅皇馬射手謝斯洛迪古斯壓陣，要同對手駁火完全冇難度，當然捧1.72倍入球大啦！（TVB網絡電視01頻道及now801台周日凌晨2:00直播）

西班牙作為今屆世青盃唯一「全勝之師」，無疑係冠軍大熱門，陣中唔少球員亦都已經打出名堂，「當紅炸子雞」就梗係要數連續4戰有波入嘅皇家馬德里B隊前鋒謝斯洛迪古斯啦！呢位被譽為「新C朗」嘅射手上季喺西乙A射入22球，被視為皇馬最有前途嘅年輕球員之一。
皇馬B隊射手連續4場入波

不過「謝斯仔」可能眼見多位喺皇馬青訓出身嘅前輩都要轉會先至取得成功，已經向西班牙《馬卡報》放風話考慮緊走人（見另文），為咗吸引豪門青睞，今晚肯定搏盡做番場好戲，拍住迪路菲奧同柏高艾卡沙呢班攻擊手，要取得士哥又邊有難度先？
烏拉圭近3戰入8粒

烏拉圭近3戰夾埋入咗8粒，火力絕對唔嘢小，皆因佢哋亦都有U20南美國家盃神射手尼高拉斯盧比斯壓陣，呢位羅馬前鋒近3戰勁入4球，係烏拉圭同「小狂牛」駁火嘅最大本錢。加上西班牙雖然攻力強勁，但近8戰居然只得1場冇失波，以「烏圭」嘅火力，射穿「小狂牛」防線上演球來球往嘅對攻大戰，當然冇難度啦！
西班牙今屆唯一全勝之師

西班牙射手謝斯洛迪古斯今屆4場賽事都有進帳，一共攻入5球。

鬥牛兵係賽事至今唯一4場全勝嘅球隊。

烏拉圭近6戰有4場開入球大，西班牙近7戰有6場開大。
鬥牛兵讓半一博得過

西班牙連挫法國同墨西哥等強勁對手先至嚟到8強，晉級之路比起烏拉圭只係擊敗烏茲別克同新西蘭等對手，明顯崎嶇得多。而且烏拉圭上場對住大部分時間踢少個嘅「小鷹」尼日利亞，都要靠臨完場嘅12碼先贏到波，論實力未必夠「小狂牛」揪，西班牙讓半一可以考慮埋1.8倍嘅上盤。
世青盃賽制：

現階段為8強賽事，如法定時間打和將加時30分鐘，未分勝負則互射12碼決勝。