輕彈錢笑冇阻力

猪拉多纳

　　今日係田草煞科日子，但唔係最後一期，周三先至係馬季最終回。其實真係唔知邊個諗出嚟，煞科，代表最後嘅意思，無啦啦整個田草煞科、谷草煞科，的確有點突兀。可能再過多幾年，或會出現田草日賽煞科、田草夜賽煞科、谷草日賽煞科、谷草夜賽煞科、田草泥混合賽煞科……

　　第一場五班1200米。「勝捷勝」五班叻、四班冇得惡，條路已經註定，冇得再否認。經過前仗僅以頸位見負，上場再跑只得梗頸四，可能係用力多咗，維持唔到。回一回之後，呢次再揀同一路程，希望有番前仗水準，同時，改用小將，唔使再負重，亦係另一有利之處。阿蘇冇贏馬實在太耐太耐，呢匹馬可能係最大餐士。

　　第八場三班1200米。「輕彈錢笑」初出即勝，贏來不吃力，對手雖然唔係勁，只係輕勝一匹季內未出頭「好事必得」，但蔡神仙啲四班起步質新馬，如果初出贏到，通常成就唔會差得去邊，二班上梗咁滯。所以，呢匹馬升至三班，唔會擔心班次有壓力。

　　第十一場二班1400米。「風花雪月」屬尾場大摩三雄之一，會唔會係主力？阿棟唔敢一口咬定，不過，講到3駒之中，此馬實力依然未見底，跑6場贏3W，好大機會係下季大摩錦標賽武器之一，目前留在二班角逐，的確有着數，必須重視。

　　點買法

　　「輕彈錢笑」及「風花雪月」，賽績好，鬥志好，獨贏賠率又唔係太過熱，用嚟買2x3W最好不過，此乃今日個人心水所在。而呢兩場亦係Q過關重心場次。