衝擊勇銳暢飲芝華士

猪拉多纳

周一早上有幾場美職舉行，其中一場由今季大勇嘅蒙特利爾衝擊主場對美國芝華士。留意到今場主隊「齋W」賠率熱到得1.25倍，情況喺美職較為少見，從賠率反映出呢支東岸前列球可以喺主場大勝對手，「讓球主勝」開出機會極高。

（周一早上7時開賽）

蒙特利爾衝擊近兩場表現雖令人失望，不過今次返主場比賽，球隊可望借主場之利大反彈。尤其對手只係西岸下游球隊美國芝華士，相信蒙特利爾衝擊可以輕鬆贏波。對手美國芝華士已經連續六場未贏過，球隊士氣同狀態處於低水平，加上芝華士作客又唔叻，睇嚟今場都幾難攞分。
急流湍湍沖散華盛頓

至於較後時間仲有一場科羅拉多急流主場對華盛頓聯隊，今季華盛頓聯隊只喺聯賽取得兩勝，作客又未「開齋」。基於客軍數據缺乏支持，今場難免會被睇淡。科羅拉多急流雖非實力突出，但只要踢出正常水準，要喺主場贏華盛頓聯隊唔係難事，主W值得捧場。

（周一早上9時30分開賽）