銀飛龍啡格得手

猪拉多纳

徐雨石匹「銀飛龍」季初贏完谷草千二米後，表現就反反覆覆，所以最近就向唔同路程發展，搵吓其他出路，上次轉跑田草千四米已經有幾好走勢，今次就繼續跑，點知排咗個14檔，票數起初真係冷落啲，不過臨開跑佢嘅支持飛就蜂擁而至，着起啡格大幅落飛至9.7倍，結果飛到馬到，喺何澤堯胯下贏番場。石哥賽後話呢匹馬上次已經跑得好，末段畀力度轉弱嘅「感恩」影響咗少少，臨尾追唔切，今次14檔有啲擔心，好彩何澤堯發揮得好，順利係田戰煞科贏番場。