飛腳超班炒起向日葵

猪拉多纳

美洲金盃參賽球隊伯利茲自爆有人搵佢哋打假波，肥叔喺呢度提過唔只一次，呢項賽事不嬲都問題多多，每屆幾乎都有蠱惑賽事。查實唔少業界人士都知咩事，特別係見到啲中北美洲球隊，個個都怕怕，大戶都唔鍾意玩呢類賽事，當睇少場好過。講番今日重心推介，日乙賽事大阪飛腳主場對北九州向日葵，捧上盤！

（周日下午5時開賽）

今季日乙賽事暫時都係兩隊波惡晒，分別就係大阪飛腳同神戶勝利船。相比之下，飛腳人腳更見犀利，老實講，唔少日職球隊陣容都唔夠佢哋勁，季前成班行家都預咗呢班波會成為擂台躉，升班只係時間問題。飛腳上場罕有大敗，確係比較少見，不過今場對手實力大幅減弱，又係佢哋發威嘅時候，讓到球半都唔怕，呢隻上盤絕對可以一試。
洛辛堡讓得辣寧捧大

跟住有場挪超賽事洛辛堡主場對奧特格寧蘭，洛辛堡貴為挪威班霸，級數當然高啦，佢哋剛喺歐霸盃大勝，場波惹來唔少人注意，不過，呢隊波本身有頭有面，若然真係有問題，都係對手搞搞震。洛辛堡返到聯賽都要繼續搏殺，今場略嫌讓得稍多，但佢哋攻力強勁，預期今場會有唔少士哥，大盤係投X首選。（周一凌晨1時開賽）