洪都拉斯爭首名目標必「達」

猪拉多纳

今晚美洲金盃B組會有暫列小組首名嘅洪都拉斯鬥榜尾球隊千里達，雖然洪都拉斯已經鎖定8強席位，不過仲要贏波確保首名出線，但求喺8強避開美國等勁旅，今場對住千里達應該唔會放軟手腳，一於捧2.2倍主勝。

（有線61及201周二早上9:30直播）
千里達近7戰6度吞蛋

洪都拉斯雖然唔算係勁旅，上仗對薩爾瓦多亦都要到補時先至靠佐治卡路士射入絕殺球險勝，睇佢哋近8場開足7場入球細，就知道火力其實麻麻。小妹仍然覺得佢哋贏到，主要係因為千里達條防線實在太唔掂，近5戰輸足4場之餘仲失咗足足12球，以洪都拉斯喺首場分組賽兩球輕取海地嘅表現嚟睇，要贏波唔係難事。

況且，洪都拉斯條防線尚算穩定，踢咗兩場分組賽仍然未有失球，除非突然失準，否則最近7場波有6場吞蛋嘅千里達都好難成功「偷雞」入到波，遇着呢支「魚腩部隊」，洪都拉斯嘅首名資格可以話係手到拿來啦！