尖刀杜卡爾解凍捧洛辛堡

猪拉多纳

歐霸盃第2圈外圍賽首回合今晚開打，洛辛堡主場招呼聖莊士東，1.75倍「讓主」捧得過，因為洛辛堡將射手艾爾尤諾斯賣到賀芬咸後，又有前鋒歷奇尼路臣受傷，原本嘅攻擊重心杜卡爾（難得可以走番出雪櫃，日前對奧特格寧蘭已打破入球荒，信佢就捧場！

（開賽時間：周五凌晨1:00）

另邊廂，聖莊士東就慘啦，原本佢哋嘅射手洛雲維尼肯捱義氣留隊，點不知最後都要無厘頭咁走人，領隊盧馬斯解釋，原因係球會經費有限，需要削減開支。不過咁搞法，試問聖莊士東球員仲邊肯搏呀？既然係咁，不如博洛辛堡嘅「尖刀」杜卡爾繼續發威，幫手入多幾球好過啦！