紅牛橫行撞散多倫多

猪拉多纳

今次阿king主要同大家研究吓美職，先講FC多倫多主場對紐約紅牛，今季三支加拿大球隊以FC多倫多表現較差，暫時喺聯賽只取得兩W，實力同前列球隊紐約紅牛有好大差距。今場紐約紅牛作客讓平半照揀上盤。

（周日凌晨4時開賽）

FC多倫多已連續多場失分，上輪面對同屬下游球隊嘅美國芝華士都輸波，球隊狀態有幾差可想而知。今年三月紐約紅牛曾經喺作客環境下挫敗FC多倫多，相信今次對賽有望再贏多次，紐約紅牛陣中有亨利、卡希爾及盧恩杜拉等好手，計牌面FC多倫多輸晒，就算FC多倫多主場出擊都好難頂得住對手，上盤可優先選取。

衝擊要搵達拉斯出氣

提到加拿大球隊，又點少得今季大勇嘅蒙特利爾衝擊，佢哋本周將於主場鬥FC達拉斯。上星期蒙特利爾衝擊狂吞紐約紅牛四蛋，球員谷住度火不洩不快，返主場一定搵FC達拉斯出氣。FC達拉斯已經冇季初咁弗，近三場不勝兼冇入球，攻守都唔得，主隊讓半一要上盤。（周日早上7時開賽）哥倫布機員主場對新英倫革命，兩支球隊實力接近，今場比賽極可能處於膠着狀態，捧細盤較合適。

（周日早上7時30分開賽）