大摩專攻盃賽

猪拉多纳

　　大摩近季專攻高班賽，以及大大小小盃賽，無他嘅，麾下太多高分馬，十幾匹閒閒哋，大摩在1場盃賽之內，派幾匹馬跑，已經見到慣晒，好多廐友經常撞口撞面，有時你贏，有時我贏。

　　大摩手上多好馬，唔對準大賽郁手取高獎金，真係好難同馬主交代，事關旗下唔少優質馬身價動輒一千幾百萬，如果只係贏場一二班賽，莫講話賺錢，連馬價都未夠。

　　盃王作風冇變，新季專攻高獎金賽事係必然，但我輩馬迷明知佢會出手又點，有時「摩」法幻影之下，好難分到正副身份，賽前刨馬真係諗到頭都爆。