高伯新染指大賽

猪拉多纳

　　高伯新在港開倉短短兩季，成績有目共睹，如果淨係計頭馬梗係唔算特別叻，兩季各贏三十幾場頭馬，比起好多大馬房真係小巫見大巫，但要知道，兩季以來，佢真係有好多好多代表作，相信假以時日，有力染指冠軍寶座。

　　首季一匹「金得意」，已經叫人拍爛手掌，轉到高廐後搖身一變成為五捷明星，該季尚有唔少多捷馬如「卡加大師」及「都靈一號」。到咗今季頭馬數目稍為退步，但憑「大運財」捧走香港經典一哩賽和「事事為王」贏打吡。隨着佢引入愈來愈多好馬，新季各項大賽或成目標，呢一股勢力真係唔可以睇小。