挪威西班牙細均力敵

猪拉多纳

今晚假瑞典舉行嘅女子歐國盃將上演八強大戰，由挪威女足硬撼西班牙女足，挪威頭三場未輸過之餘，只失一球全開細，證明呢班鐵娘子防線固若金湯，而西班牙女足只屬二流球隊，對住強隊必以守行先唔敢冒進，大家鬥拉鋸下入波唔慌多，細盤更值博。(now 633及635周二凌晨零時直播)
挪威女愛煲魚生粥

挪威一向實力唔差，但熱身賽連戰連敗後，嚟到歐國盃決賽周大踢務實足球，以穩固防守同對手周旋，分組賽三場不敗兼擊敗勁旅德國，最重要係呢班波經常煲魚生粥，至今只失一粒，非常硬淨。

西班牙近年有好大進步，但未致於像男足般稱霸球壇，實力麻麻，今次能夠打入八強，關鍵在於對住發波瘟嘅英格蘭全取三分。由於踏入淘汰賽階段，「鬥牛女」一定先做好防守，謀定而後動，加上挪威同樣係守強攻弱，大家均小心翼翼下，預計戰意會處於膠著狀態，雖然挪威勝算稍高，但斯維覺得捧入球細比主勝更加穩陣。