莫迪「讓球主勝」贏面高

猪拉多纳

今晚歐聯外圍賽上演第二圈次回合賽事，挪超勁旅莫迪返主場迎戰愛爾蘭球隊施利高流浪。

莫迪喺曼聯名宿蘇斯克查帶領下，連續兩季奪得聯賽冠軍，但今季出閘脫腳，落後榜首洛辛堡成條街，依家可疊埋心水攻歐聯，箭頭捷馬唔單止首回合一箭定江山，助莫迪以1比0擊敗施利高流浪，呢位尼日利亞射手喺聯賽亦屢有士哥，腳風順到冇朋友，況且實力平平嘅施利高流浪陷於低潮，近三場輸兩場，睇嚟又係捷馬數胡嘅時候，有地利之助贏兩粒實屬最低消費，「讓球主勝」捧得過。

（周三凌晨1時開賽）