紅軍夠正氣玩殘「泰」仔

猪拉多纳

利物浦聯賽表現時好時壞，偏偏無關痛癢嘅季前熱身賽就贏到開巷，今晚喺曼谷即使要讓泰國兩球，1.85倍「讓客」都抵捧。

（亞視國際台周日晚6:40直播）

蘇亞雷斯扭計轉會未解決，但尋日發聲明否認賣盤嘅利物浦，喺季前賽表現就冇受影響，自7月中開始連環砌低普雷斯頓、印尼明星隊同墨爾本勝利兼保持零失球，夠晒正氣，當中菲臘比古天奴同新兵伊亞高艾斯巴斯夾埋入咗4球添。再講，泰國今年喺亞洲盃外圍賽接連大敗畀科威特同黎巴嫩，實力大家有眼睇，今晚想輸少球都難！