霍利時面臨考驗

猪拉多纳

　　今季練馬師一季要贏15W先至及格，之前講過，吳廐應該唔會再歎慢板，仲係要等到四、五月先至出手。

　　另一馬房霍利時，同樣承受唔少壓力，屬於嚴峻考驗。

　　馬房養馬量漸小

　　早年霍利時仲係好地地，近季真係差到冇人信，養馬量漸小唔在講，頭馬數目亦愈來愈少，而最近3季贏得十幾場，上季仲創出新低只得13W，陷入在港多年來最低潮。

　　正所謂巧婦難為無米之炊，兵源少，冇得好講，但自己做好本分，先至吸引到馬主來投係事實。

　　當務之急，霍廐現時首要改善係旗下馬匹演出的穩定性，成日時好時劣，點會有人欣賞。