阿積士反勝捧盃隨時中咒

猪拉多纳

上季荷甲聯賽冠軍阿積士周日凌晨克服落後兩球劣勢，踢至加時以3比2反勝上季荷蘭盃盟主阿爾克馬爾，先聲奪人捧走今屆荷蘭超級盃。

阿爾克馬爾曾領先兩球
阿積士今場贏波功臣係丹麥國腳基斯甸艾歷臣，呢名盛傳被利物浦睇中嘅中場先喺下半場策動攻勢，令對方守將古維利奧擺烏龍追成1比2，然後去到加時再助攻予施安迪莊射入奠勝一球，相信踢完今場又再可以叫高啲價。不過阿積士對上三季稱霸聯賽，不約而同均在季初失落荷超盃，今次捧盃唔通反而冇運行？