波琴入球細「雷」打不動

猪拉多纳

波琴今晚喺德乙主場對特雷斯登，入球細最抵博。兩隊今季都有好多新球員加盟，季初未夾熟兼且狀態未夠弗，恐怕唔容易開入球騷，兩邊都冇贏波把握，不如簡單啲揀個1.83倍入球細算數。

（開賽時間：周二凌晨2:15）

特雷斯登射手倦勤
雖然波琴喺開咧戰作客以2:1打沉柏林聯，但其實借用嘅射手蘇古達柏素，話就話代表過德國各級別青年軍上陣，但佢喺德國比賽可以話冇咩料到，入球效率好差吓，唔多靠得住。另一方面，特雷斯登上星期喺主場只能夠以1:1打和科隆，射手迪迪仲因為唔舒服，今場唔能夠倒戈出戰，咁搞法要開入球騷真係唔容易。