皇家普托斯W智珠在握

猪拉多纳

南球盃8倍和味3串1
新一屆南美球會盃拉開戰幔，今日重心推介玻利維亞球隊皇家普托斯可擊退智利大學開主W，另外再搭巴拉圭國民會對玻利維亞強者開細盤，以及平手盤嘅圖積蘭奴斯，三串一乘埋有8倍夠和味。

南美球會盃等同歐洲方面嘅歐霸盃，屬於南美洲次等球會級賽事，不過唔少傳統勁旅其實都好重視呢個盃賽，上屆冠軍就係巴西勁旅聖保羅。今日阿King其中一場推介嘅主角智利大學就係2011年盟主，佢哋今屆首圈抽中對皇家普托斯唔易踢，事關皇家普托斯來自高原國家玻利維亞，其主場更被封為「全球最高嘅球場」，位於海拔3,960米，莫講話踢波，就算普通行步路呼吸都有困難。（周三早上7時30分開賽）

強者客戰國民會捱「細」界
皇家普托斯近六年有五次出席南美自由盃經驗，雖然大部分都係早早出局，但應付外隊應有一定心得，首回合料會藉主場之利強攻對手，捧主W。

另一支玻利維亞球隊強者作客鬥巴拉圭國民會，「高原球隊」強者同樣靠主場搵食，首回合料打守勢波，國民會攻力唔強，捧細。最後委內瑞拉圖積蘭奴斯主場鬥哥倫比亞伊基達，兩軍實力相距不遠，圖積蘭奴斯有主場之利，唔使讓波值得一試。