薛達志前景難樂觀

猪拉多纳

　　薛達志今季情況唔係咁樂觀，一季要贏15W，以佢目前手上兵源而言，真係有啲「窄」。

　　唔係因為上季僅僅上岸就睇淡佢，主要原因係佢唔似得呂健威，人哋上季成績一樣唔好，但暑假來投馬多到不得了，而薛廐呢 ？ 呢刻約三十匹馬，當中好有前景、好多虛分嘅又唔多覺。

　　呢個馬房「功夫」好勁！所指係令到馬迷感到無所適從，唔知以為佢識變魔術，睇番上季有部分薛廐馬，係咁跑、係咁輸，輸到各位馬迷心淡嘞，唔敢再追，佢先至跑出嚟。

　　上季尾「強中堅」和「喜相逢」以冷門身份跑入冠季軍，之前就係不停跑而成績唔好，但又突然之間重現威力。所以，買薛廐馬好多時要有極大的膽量，以及很好的忍耐力。