C朗有火撐艦隊攻陷銀河

猪拉多纳

國際冠軍盃明早仲有一場「銀河」對「艦隊」嘅矚目對決，由美職洛杉磯銀河硬撼皇家馬德里。經過失意嘅一季後，皇馬今夏喺轉會市場頻頻出手，會長皮里茲希望「艦隊」以全新嘅姿態重新啟航，近期力斟加里夫巴利嘅舉動，更加激起王牌射手C朗嘅鬥心，況且過往4次對住銀河贏晒，擺明格食格，「讓球主勝」有買趁早。

(now 632周五早上10時30分直播)

皇馬會長皮里茲一向威慣，由於該隊上季表現差強人意，因此今夏對陣容作出重大調整，先後賣走希古恩、艾比奧爾、荷西卡利祖，甚至有傳艾比路亞同法比奧干查奧都會被出售，並以高價成功搶走本土新星艾斯高及伊拿拉文迪，甚至向新帥安察洛堤暗示要重用謝斯洛迪古斯、丹尼爾卡華積及艾華路莫拉達等青訓產品，重建陣內「西班牙幫」嘅領導地位。

皇馬往績優勢明顯
當然皇馬出天價狂斟熱刺球星加里夫巴利已屬公開秘密，C朗不嬲自尊心極強，有指佢擔心若巴利真係來投，會影響其王牌地位，所以近期喺訓練時特別有火，預計今仗佢必定奮力爭士哥，證明自己至係天王。

銀河近況比較飄忽，而剛為美國重奪美洲金盃嘅當路雲及奧馬干沙利斯雖已歸隊，但連場比賽後未回得切氣，今仗未必會踢，陣容進一步削弱。加上近年4次交手，皇馬全勝之餘，其中3次更贏2球或以上，擺明格食格，相信銀河今仗難逃大敗，就算讓兩球照捧「讓球主勝」。