杜塞爾多夫 掃黑搶Ｗ

猪拉多纳

回師主場遇私房菜
周六凌晨有場德乙直播賽事，由杜塞爾多夫主場對1860慕尼黑。近期杜塞爾多夫演出唔係好，於聯賽及盃賽都未能勝出，不過今次返回主場比賽，應對球隊爭勝有極大幫助，阿King估計佢哋谷底反彈，主W有1.68倍值得捧場。

（有線64及203台周六凌晨零時30分直播）

杜塞爾多夫近兩場都要作客，對於一支乙組球隊嚟講確一項挑戰，如今球隊抖足精神兼返主場比賽，戰鬥力必大幅提升。有一點要留意，就係杜塞爾多夫近幾次主場對1860慕尼黑都交出好成績，進一步證明地利對杜軍甚有幫助。

1860慕尼黑未回氣
對手1860慕尼黑剛啱喺德盃與海登咸惡鬥120分鐘，雖最終都有驚無險，以互射12碼淘汰對手，但球員體力消耗相當大，今場發揮免要打折扣，加上客隊傷兵情況都幾嚴重，比亞奧加、伊查亞、高祖夫高索及杜米歷史達爾仍要休息，陣容不整難有作為，1.68倍主W做過關膽最啱。

同時間舉行仲有FSV法蘭克福主場對波琴。波琴開咧後暫未落敗，且兩勝皆於客場取得，面對實力較弱嘅法蘭克福，波琴有望添食。另外特雷斯登主場對柏林聯，柏軍周中踢完德國盃未回氣，遇上「開齋」心切嘅特雷斯登凶多吉少，主勝值捧。