不來梅恰斷箭布倫瑞克

猪拉多纳

尾場初升班嘅布倫瑞克主場迎戰雲達不來梅，兩支球隊都喺德國盃遭遇滑鐵盧，雙雙於首圈被低組別球隊淘汰出局，預期今季前景會十分困難，但相比之下不來梅球員經驗同質素始終勝一籌，今仗作客小讓平半仍可取，宜敲上盤。

（有線61及64台周日凌晨零時30分直播）

布倫瑞克以上季德乙第二名身份升班，但呢支小球隊已闊別德甲28年，陣中球員大都欠缺德甲經驗，而且財力有限冇錢擴軍，最慘係佢哋上季升班嘅頭號功臣，全季入19球榮膺德乙神射手嘅甘比拿因傷缺陣，對球隊戰鬥力打擊甚大。

雲達不來梅喺體育總監K阿羅夫斯同忠心主帥舒哈夫兩位最佳拍檔離隊後亦大受打擊，不過新帥杜特過去喺德甲交出嘅成績都唔算差，陣中始終擁有伊基斯、肯特、阿拿奧杜域同尼斯彼德臣等攻擊好手，計質計經驗都勝主隊一籌，即使作客都可以秤先多少。