飛燕諾主場打翻身仗

猪拉多纳

荷甲今晚兩場直播有好戲碼，頭場飛燕諾主場鬥川迪，飛燕諾係上季荷甲主場王，穩勝今非昔比嘅川迪。（now 670及672周日晚6時30分直播）尾場阿爾克馬爾主場鬥阿積士，兩軍兩周前在荷超盃鬥得燦爛，預計今次亦係一場入球騷，中位數不變建議捧大。

（now 670及672周日晚8時30分直播）

飛燕諾、川迪首輪聯賽面對牌面較弱嘅對手都贏唔到，演出令人失望，不過飛燕諾係上季荷甲主場成績最好嘅球隊，上季17場主場聯賽14勝3和保持不敗，勝率逾8成，今次回師主場有權打場翻身仗。川迪自從贏完09至10年聯賽冠軍後，近年成績不斷下滑，今季佢哋仲有中場主力利萊費亞離隊，中前場實力進一步削弱。連同季前熱身賽，佢哋已經連續3場冇入波，今場等做炮灰。

雙阿駁火再演大戰
另一場阿爾克馬爾主場鬥阿積士，兩軍兩周前剛在荷蘭超級盃交手，當時阿積士主場要踢至加時才告擊敗對手，完全冇甜頭可言，今次作客要讓半一盤口太辣。阿爾克馬爾入得又失得，近兩仗合共和對手炮製十個入波，阿積士陣中擁有史基賀臣、施安迪莊、基斯甸艾歷臣等進攻好手，入波亦有絕對保證，翻查兩軍近年交手經常出現大手交易，難得大細中位數不變維持2.5球，大盤係不二之選。