楊明綸功架十足

猪拉多纳

　　華將不易在港立足係事實，但好多個功夫仔唔水，後起之秀楊明綸已經唔簡單，上季尾得到告東尼關照，即刻係咁贏，有好幾場W仲稱得上係代表作，證明如有足夠的支持，佢一樣交得準。

　　上季尾楊明綸贏3匹東廐馬，令人印象頗為深刻，分別係「蓬萊仙子」、「卓爾名駒」及「奀皮仔」，呢3匹馬都係贏得險，全部係馬頸位之內分勝負，好大程度係騎師搭夠。

　　前兩駒贏在走位一步冇蝕，後駒末段側住個頭仍可力擒對手，呢啲唔係叫做功架，唔通係幸運？

　　其實，仲有1位華將亦係好手，此乃梁家俊，但講到騎功方面，的確冇楊明綸咁全面，最明顯係早段搶位及騎放頭馬，如果佢改善到呢一點，又有足夠支持，或可殺出條血路。