對賽綠雉唔講「和」

猪拉多纳

撐當弗綠茵贏3:2
相比起英超、西甲啱啱開咧，球隊表現難以捉摸，日本聯賽打到如火如荼，走勢相對有「績」可尋。日乙岡山綠雉主場鬥東京綠茵，兩隊近期狀態此起彼落，冇話邊隊高啲，但過往例牌打餐死唔識和波，決定冷敲綠茵28倍「3:2」波膽。 （開賽時間：周日晚6:00）

綠雉近5場贏得1次
綠雉最近5場1勝1和3負成績麻麻，其中作客反勝山形山神係威係勢，點知轉頭無以為繼，錄得主場2連敗。綠雉過往5次主場迎戰綠茵，從來唔同對手講「和」，全部分出勝負。綜合往績與近況，相信岡山綠雉今場落敗機會頗高，再者佢哋今季主場3次輸波有2次輸「2:3」，值得再追。

另邊廂近況弗爆嘅綠茵，近5場聯賽除咗戰和榜首飛腳，其餘4場贏晒，總計13個入球更分別由10名球員取得，得分點多成咁，試問岡山後防點頂﹖但最重要係贏波嗰4場之中，2場作客都成功開出「3:2」，今場隨時食住個勢再度冧莊。