閘前資訊待改進

猪拉多纳

　　騎師喺馬背上，感覺到坐騎有唔妥，去到閘前，通常會叫獸醫檢查，先至拉往入閘，如果仄到有唔妥，必定被着令退出，馬迷即時知道。

　　但情況未去到咁嚴重，只係騎師覺得隻馬唔多妥，驗又驗唔到啲乜，作為馬迷，只能夠在賽後報告得悉。

　　假設你想買隻馬，點知閘前騎師feel到坐騎稍有異常，如果畀着你，仲夠唔夠膽落注？問10個人，或者有一兩個仲夠薑買，寧願忍手則係正路做法。偏偏到依家為止，你與我得唔到呢方面即時資訊，真係唔明點解？

　　現今科技先進，即時通訊設備林林總總，如有上述情況，閘前員工通知有關部門，再向外公布應該唔會好難，亦唔見得整個通布基制需時。又睇吓馬會幾時在此方面有改進。