PAOK未夠班史浩克盡數

猪拉多纳

今晚歐聯附加賽首回合，史浩克04主場對PAOK，希臘球隊PAOK只係以替補身份參賽，質素次一級，根本未夠班，無力招架史軍進襲，淨輸兩球屬於最低消費，1.82倍「讓球主勝」值捧。

（有線64及203台周四凌晨2時45分直播）

史浩克04今季踢咗兩場聯賽僅一和一負麻麻地，主因係防線多甩漏。不過今場情況好唔同，畢竟聯賽係「長命賽」，短期失利影響唔大，但淘汰賽屬於生死戰必搏盡。史浩克04經過兩場受挫後，來到關鍵時刻會打醒十二分精神。基於採取兩回合賽制，主場一方定盡數對手，以免作客被對手翻身，相信史浩克教練贊斯基拿會主攻爭取入多幾球。雖然前鋒亨特拉爾有傷或缺陣，不過陣中仍有法芬、奧保基、達斯拿等進攻好手，足以撕開PAOK防線。

PAOK原本上圈被米達列斯淘汰，但因為後者捲入假波案，被取消資格，先至可以補上踢呢場附加賽。PAOK以往多數參加歐霸盃，轉戰歐聯唔慌會掂。