勝利船主場評級高

猪拉多纳

西班牙班霸巴塞隆拿開季聯賽首戰贏到利雲特完全冇得踢，半場已經轟入六球，真係誇張到不得了！呢場賽前有大戶出手玩細盤，睇嚟認為巴塞剛開咧要時間熱身，點知呢隊波竟然贏到開巷，唔少跟風客走地再追細，結果真係焦頭爛額啦！巴塞贏完呢場又成擂台躉，但佢哋弗番唔係人咁品，千祈唔好亂反。

至於今晚繼續都有歐聯外圍賽附加賽舉行，土耳其球隊費倫巴治之前曾捲入假波案，因該隊向體育仲裁法院上訴才暫時凍結停賽令，若敗訴便即時冇得玩。費倫巴治個底花咗，難免會有啲人帶住有色眼鏡睇佢哋，但大家都唔使擔心太多，講到尾歐聯都係超級大賽，監察力度特別強，相信冇乜人夠膽以身犯險，加上歐聯係超高獎金賽事，搏命打真軍爭位好過啦！費倫巴治主場有惡氣，應該頂得住阿仙奴㗎。
名牌效應帶旺日乙

日本足球聯賽發展愈來愈成熟，不但日職多人玩，連日乙生意都愈來愈好，主要因為有好多名牌球隊打緊日乙，大阪飛腳近期係咁贏，但呢班波例牌扯飛，成日都讓得多，比較難搞。

另一支勁旅神戶勝利船近況稍有回落，但呢隊波主塲評級好高，今次返到自己地頭對住東京綠茵，絕對有力贏波反彈，呢場可捧上盤！

（周三晚6時開賽）