諾高平啞火捱細界

猪拉多纳

聽日凌晨有場單頭瑞典超上演，諾高平主場鬥佐加頓斯。諾軍狀態唔曳，但因莫財而被迫賣走兩個主力前鋒，而另一射手基斯杜化尼曼又要坐波監，攻力受削。佐軍作客必死守，阿King捧細盤！

（周五凌晨零時30分開賽）

以波論波，諾高平整體戰鬥力較佳，但賣走卡利利同科華迪臣，球隊要入波肯定有麻煩。呢兩名分別來自瑞典同冰島嘅射手，本季合共轟入16球，佔球隊聯賽入球率六成；另外基斯杜化尼曼今場又停賽，諾軍需依靠中場球員入波。佐加頓斯一向擅打下風波，後防非常硬淨，今場求一分肯定縮晒喺後面，預料戰情膠着，捧細盤最好。
波圖基沙讓波擇使

南美球會盃第二圈首回合，波圖基沙同巴希亞爆發「森巴內訌」，波圖基沙近八戰贏得一場，而且近四次主場都贏唔到巴希亞，讓波捧對家；另一場「阿根廷內鬥」聖羅倫素主場對河床，河床近期好慢熱頻開「半場和」，今場作客打守勢波更易開。