紅軍反擊啱嘴形

猪拉多纳

維拉一周3戰難回氣

利物浦有咩特性？就係估佢唔到！英超紅軍作客阿士東維拉，主隊一開咧如狼似虎勁對辦，賓迪基成個杜奧巴咁款，今場受讓似乎有計；但維拉連搏兩場好辛苦，紅軍作客打反擊啱晒嘴形，一於博客Ｗ！

(now 621周日凌晨零時30分直播)

利物浦今夏買唔到大牌球星，王牌前鋒蘇亞雷斯又繼續停賽，但領隊羅渣士式短傳攻擊漸見成效，前場分工清晰，菲臘比古天奴同史杜列治大勇，謝拉特齋較炮比以前輕鬆得多。新門神米洛列特上仗救完十二碼後肯定醒神，目前紅軍戰鬥力不俗，作客都照搶到上風。華倫西亞左閘阿里施素高剛加盟未弗，料會先任後備。
維拉主場往績輸蝕

上季維拉幾乎降班，本季開咧即遇地獄賽程，但大軍出乎意料咁生猛，箭頭賓迪基勁全面，兩仗入三粒sharp醒。不過對完阿仙奴再鬥車仔，維拉已耗損極大氣力，一周惡戰三場好惡啃，加上維拉擅踢下風波，今場主場要攻未必識踢。睇番維拉近六次主場迎紅軍輸咗四次，今場難睇好。