新帥第一擊史雲頓爆基

猪拉多纳

正所謂蛇無頭不行，英甲球隊史雲頓內部風雨飄搖，上季在狂人主帥迪肯尼奧帶隊時一度有力衝擊升班，點知佢同球隊高層於買賣球員方面出現分歧，搞到呢位性格巨星劈炮。
難得坐正唔衰得

及後球會搵咗麥雲麥當奴頂檔，可惜佢又唔掂檔，教到上季季尾亦唔撈。雖然史軍高層一直打鑼搵人，可惜遍尋不獲，而呢段時間嘅看守領隊馬克谷巴頗得民心，受到球員愛戴，史雲頓亦順水推舟委任佢為正式領隊，今晚主場迎戰弱旅基寧咸，係馬克谷巴被扶正後第一擊，當然唔衰得啦！眾將一定拚搏為呢位新帥打響頭炮，主勝冇甩拖。

（周六晚10時開賽）